Skip to main content
Orokorra | DBH

Aranzadiko erronkariak salto-saltoka aritu dira Elgoibarren ospatu den Kilometroak jaian

Eguraldi-iragarpen ezegonkorrari aurre eginez, milaka euskaltzale batu da Elgoibarren, Gipuzkoako Ikastolen festan. Tartean, Erronkan parte hartu duten DBH 4ko ikasleak.

Kilometroak 2025 Elgoibar

Urte osoko antolaketa-lanaren eta saretzearen ostean, Elgoibarrek milaka lagun hartu ditu Gipuzkoako Ikastolei bultzada emateko. Ikastolek hasierako ekitaldian adierazi legez, hezkuntzako hirugarren sarea osatzen dugu, eta izaera hori lehen lerrora ekarri nahi dugu: "Ez gara ez administrazioaren menpeko ikastetxeak, ezta itunpekoak ere. Herritarren autoeraketan oinarritutako proiektu kooperatiboak gara, eta izaera horri eutsiko diogu".

Eguraldia ezegonkor egon bada ere, milaka euskaltzalek hartu dituzte kalean, eta jai-giroa nagusitu da goizean goizetik: ikuskizunak, bazkariak, txarangak, kontzertuak, azokak, jan-edana... ez da ezer falta izan! Eta tartean, nola ez, Gipuzkoako Ikastola guztietako DBH 4ko ikasleek osatzen duten Erronka. Hain zuzen ere, 23 Ikastolatako 350 gazte aritu dira proban parte hartzen: dantza, kirol-ekintzak, kultura-jarduerak... eta baita elkarrekin bazkaltzeko paella eder bat prestatu ere. Saria Udarregi Ikastolako ikasleek erdietsi badute ere, parte hartzea bera ederra izan da!

Irudia
Kilometroak 2025 Elgoibar
Irudia
Kilometroak 2025 Elgoibar

Hurrengo urteko festa antolatzeko testua Lazkaoko San Benito Ikastolak hartu du. Dagoeneko hasiak dira antolaketa-lanetan, eta ikasturte zirraragarria dute aurretik. Aranzadiko kideok ere aurki hasi beharko dugu mugitzeko, Lazkaon geuk jasoko baitugu testigua 2027ko Kilometroak jaia Bergaran ospatzeko!

Orokorra

Udazken honetan ere, euskararen alde egiteko bi aukera eder ditugu eskura: Errigoraren eta Zuberoako ikastolen aldeko Ikaskoliren saski solidarioak. Bi ekimenek euskararen transmisioa, tokiko ekoizpena eta herrigintza…

Orokorra

Iazko estreinaldi arrakastatsuaren ostean, Bergarako Orientazio Probak bigarren urtez bete ditu herriko kaleak ilusioz eta kirol giroz. Guztira, 396 lagunek hartu dute parte aurtengo edizioan, 96 taldetan banatuta.…

Orokorra

Aurkezpen-ekitaldia azaroren 27an izango bada ere, lekukoa Aranzadi Ikastolan dugu dagoeneko. Gipuzkoako ikastolen izenean eta Euskal Herriko ikastola guztiekin elkarlanean, 50. urteurren gogoangarria antolatzera goaz.

Orokorra

Aranzadi Ikastolako irakasle izandakoa ekarri dugu gogora Itxumendin, haren omenezko totemaren inaugurazioan. Familia, lagun eta gertukoak elkartu gara, Manuren oroimena bizirik eusteko eta hark astronomiarekiko zuen…