Hezkuntza-komunitatearen ardura ere bada palestinarrak pairatzen ari diren sarraskiaz jabetu, egoera kritikotasunez aztertu eta elkartasuna adierazi zein praktikan jartzea. Horregatik, gatazka lehertu zenetik gaur egun arte makina bat aldiz gaia modu askotan landu badugu ere, oraingoan modu intentsiboan egin dugu, etapa guztietan eta antolamendu jakinarekin.
Ekimen hau ez da une bateko keinua izan, baizik eta gure komunitatean gogoeta kritikoa eta elkartasun aktiboa sustatzeko urrats bat gehiago.
Bide batez, ikasle eta langile guztiok Ikastolako patioan elkartu gara ekimen sinboliko batean: argazki bateratua atera dugu Palestinako herriari gure babesa eta elkartasuna adierazteko. Izan ere, Ikastola beti egongo da herri eta hizkuntza zapalduen alboan.
Pedagogia-lanketa:
- Haur Hezkuntza: Askatasun doinua ipuinaren bidez, Palestinako familien sufrimendua eta haurrek bizi duten errealitatea ezagutu ditugu.
- Lehen Hezkuntza: Palestinako eta Euskal herriko ikasleen eguneroko bizitza alderatu ditugu, hausnarketa gidatuen bidez.
- DBH eta batxilergoa: gatazkaren ikuspegi humanitarioa eta politikoa landu ditugu, testuingurua eta eragile nagusiak hobeto ulertzeko.
Ez dadila elkartasuna eten. Gora Palestina!
