Skip to main content

Ibilaldia 2025: Magaletik herrire, euskera erdire!

Maiatzaren 25ean ospatuko da Bizkaiko ikastolen jaia, Ibilaldia, eta aurtengoan Galdakao izango da ospakizunaren gune nagusia. "Magaletik herrire, euskera erdire!" lelopean, Eguzkibegi Ikastolak hartuko du 47. edizioaren antolakuntza.

Euskararen aldeko festa erraldoia izango da beste behin ere, eta Aranzadi Ikastolatik gonbidapen beroa luzatzen dizuegu familia, lagun eta ikasle guztiei egun paregabeaz gozatzera. Gune desberdinetan kultur ekitaldiak, musika, tailerrak eta euskal giroa izango dira protagonista, beti bezala, ikastolen proiektuari babesa eta indarra emateko helburuarekin. 

Aurten ere egitarau paregabea izango dugu: Akerbeltz erromeria, Kai Nakai, DJ Bull, Motx Pailazoa, Go!azen, Herri Kirolak, Taupadak dantza eskola... Hemen egitaraua.

Ibilaldiaren webgunean aurki dezakezue informazio gehiago: 👉 ibilaldia.eus

Euskara, elkarlana eta festa uztartzen dituen eguna izango da, eta guztion artean, euskara erdigunean jartzen jarraituko dugu. Anima zaitezte, eta parte hartu Ibilaldian! 

Orokorra

Murgiltze eredua egungo errealitatera egokitzeko eta indartzeko beharra izan da Euskal Herriko Ikastolen 30. Jardunaldi Pedagogikoetako hausnarketaren ardatz nagusia.

Orokorra

Udazken honetan ere, euskararen alde egiteko bi aukera eder ditugu eskura: Errigoraren eta Zuberoako ikastolen aldeko Ikaskoliren saski solidarioak. Bi ekimenek euskararen transmisioa, tokiko ekoizpena eta herrigintza…

Orokorra

Iazko estreinaldi arrakastatsuaren ostean, Bergarako Orientazio Probak bigarren urtez bete ditu herriko kaleak ilusioz eta kirol giroz. Guztira, 396 lagunek hartu dute parte aurtengo edizioan, 96 taldetan banatuta.…

Orokorra

Aurkezpen-ekitaldia azaroren 27an izango bada ere, lekukoa Aranzadi Ikastolan dugu dagoeneko. Gipuzkoako ikastolen izenean eta Euskal Herriko ikastola guztiekin elkarlanean, 50. urteurren gogoangarria antolatzera goaz.