Hezkuntza
Esperientziak, kezkak, egiteko moduak eta beste partekatzeko foroa izango da, saio praktikoa eta gurasoen beharretatik abiatutakoa, haurren heziketari talde-begirada eta -babesa eskaintzeko asmoz.
Euskararen eta ikasleen eskubideen aldeko une erabakigarrian, “Baxoa Euskaraz” eskubidea bermatzeko mobilizazioa deitu dute Seaskak eta Ikastolek, atzerapauso larriak izan direla salatuz. Hala, urtarrilaren 24an Baionan manifestatzera deitzen dugu Aranzadiko komunitate osoa, euskararen etorkizuna eta hezkuntza-ibilbidea defendatzeko.
Ikas-etapa guztietako profesionalez osatutako Hezkuntza Taldeak lideratuko du bidea, egun ditugun hutsuneak identifikatu eta horiei buelta emateko bide-orria diseinatuz.
Gurasoek seme-alabak hezteko bidean dituzten interes eta zalantzak elkarbanatzea, familiaren eta Ikastolaren artean hezkuntza ulertzeko modua partekatzea eta familien foroa sortzea dira ekimenaren helburu nagusiak.
2024 eta 2025ean jaiotako haur eta familien arteko topaketa izan da, Ikastola bera gehiago ezagutu eta talde-giroa indartzeko hitzordua.
Langile guztien lan-baldintzen homologazioa eta soldaten parekatzea daude jokoan, eta ikasleen ongizatea lehen lerroan: ratioak txikitzea, baliabide gehigarriak...
Palestinako gatazkaren inguruko kontzientziazio-lanketa egiten ari gara, egoeraz hausnartzeko eta ikasleen artean elkartasuna sustatzeko. Gatazkak eragindako sufrimenduaren aurrean, Palestinako herritarrei gure babesa adierazi nahi diegu. Horretarako, ikasleek hausnarketa-saioak eta sormen-ekintzak egin dituzte, bakearen eta justiziaren aldeko mezua zabaltzeko.
Aranzadi Ikastolak, herriko beste ikastetxe, kirol-elkarte eta Bergarako Udalarekin batera, Eskola Kirolaren Herri Ituna sinatu du, udalerriko haur eta nerabeen garapen integrala eta osasuntsua sustatzeko helburu argiarekin.
Aranzadi Ikastolak sentsibilizazio ekintzak antolatu ditu Odol-emaileen Nazioarteko Egunaren harira.
Ikastolen Elkarteak euskarazko diktaketa-sistema berria aurkeztu du Sortzen Elkartearekin batera, hainbat ikasleren idazketa-prozesua errazteko eta inklusibitatea sustatzeko. Aranzadi Ikastolako hainbat ikaslek ere parte hartu dute proiektuan.