Batxilergoko etapak 16-18 urte bitarteko ikasleak hartzen ditu, eta Unibertsitatera Sartzeko Probak zehazten du ikasketa-markoa. Konpetentzia bidezko ikaskuntza gauzatzen dugu, baina ikusmira USaP proban jarrita.

Intentsitate handiko ikaste-urteak izaten dira, eta ikasleei gertuko bidelaguntza pertsonalizatua eskaintzen diegu. Horretarako, irakasle-talde koordinatua eta ikasle-talde txikia ditugu. 

MODALITATEAK

Batxilergoan bi ikasketa-ibilbide eskaintzen ditugu: Zientziak eta Teknologia, eta Giza eta Gizarte Zientziak. Etorkizunean gauzatu nahi duen ikasketaren arabera, ikasleak bata edo bestea hautatu beharko du. Honako ikasgaiek osatzen dute curriculuma:

1. MAILA

KOMUNAK

• Euskara eta Literatura I
• Gaztelania eta Literatura I
• Ingelesa I
• Filosofia I
• Gorputz Hezkuntza
• Tutoretza

MODALITATEKOAK

• Matematika
• Fisika eta Kimika I / Mundu Garaikidearen Historia
• Biologia eta Geologia / Marrazketa Teknikoa I / Ekonomia

AUKERAKOAK

• Teknologia eta Ingeniaritza I / Literatura XX. mendean / Gaur Egungo Munduaren Gatazkak eta Errealitateak
• Anatomia / Frantsesa / Marrazketa artistikoa

2. MAILA

KOMUNAK

• Euskara eta Literatura II
• Gaztelania eta Literatura II
• Ingelesa II
• Filosofia II
• Historia
• Tutoretza

MODALITATEKOAK

• Matematika
• Fisika / Artearen Historia
• Kimika / Marrazketa Teknikoa II / Geografia

AUKERAKOAK

• Biologia / Teknologia eta Ingeniaritza II / Enpresa eta Negozio Ereduen Diseinua

EMAITZA AKADEMIKOAK

Espedienteko azken emaitzari dagokionean, Aranzadi Ikastolako ikasleek EAEko batazbesteko kalifikazioa baino 0,20 puntu gehiago lortzen dute –azken 5 ikasturteetako batazbestekoa–.

EMOZIOEN KUDEAKETA

Gora-behera handiz beteriko ikasturteak izan ohi dira, eta garrantzia handia ematen diogu tutorearen eta orientatzailearen bidez konfiantza eta autoestimua lantzeari. 

GERTUKO TUTORETZA

Batxilergoa aukerako hezkuntza-etapa den arren, indar berezia jartzen dugu tutoretza-lanean. Ikasleekin eta gurasoekin zehazten ditugu helburuak, eta jarraipen estua egiten diegu, batez ere ikaslearen espektatibak errealitatearekin parekatu eta bete daitezen.

Irakasle-taldea txikia da, eta egunero-egunero koordinatzen da ikasleen jarraipena egiteko, hori baita modu bakarra ikasleak sakontasunean ezagutu eta beraien beharrak identifikatzeko –izan akademikoak, zein emozionalak–.

ORIENTAZIOA

Batxilergoan berebiziko garrantzia dauka ikasketa-orientazioak, azken kalifikazioaren lorpen-bideak helburu garbia baitu: etorkizuneko bidea hautatu ahal izatea –unibertsitatea zein Lanbide Heziketa–.

Zentzu horretan, taldeko zein bakarkako lanketak egiten ditugu ikasleekin eta beraien gurasoekin: informazio osoa argi plazaratu, aukera posible guztiak aztertu, ikaslearen nahi eta interesak identifikatu...

Unibertsitate eta Lanbide Heziketako ikastetxeak ere bertatik bertara ezagutzen ditugu, eta guk geuk laguntzen ditugu ikasleak zentroetara –baita ikasle bakarrarekin joan behar badugu ere–, zalantzak argitzeko eta ideiak antolatzeko ziurtasuna izan dezan. 

Ikasketa-plana jarduera osagarriekin osatzen dugu, ikasleek bestelako esperientziak ere izan ditzaten. Horiek guztiek lotura zuzena dute Ikastola-ereduarekin.

Nafarroara zein Parisera bidaia, euskaltzaletasuna eta parte-hartzea lantzeko dinamikak, festa bereziak, kultura astea, jakintzagaien inguruko irteerak, etab.