Aranzadi Ikastola ezagutzeko biderik aproposena bisita gidatu pertsonalizatua egitea da. Semea edota alaba eskolaratzeko orduan, familia bakoitzak zalantza, interes eta helburu propioak izaten ditu, eta horiek guztiak patxadaz eta gertutasunetik landu nahi izaten ditugu. Hortaz, bisiten helburua da Ikastola ezagutzeko momentua bakoitzaren beharretara egokitzea.

BISITA MOTAK

Interesa duen familiari bi aukera eskaintzen dizkiogu: lehena, bisita Ikastola martxan dagoenean egitea, alegia, ikasleak eskola-orduetan daudenean. Modu horretan, eguneroko jarduna bertatik bertara ezagutzeko aukera izango du, eta egoera horrek interesekoak izan litezkeen hainbat gai modu praktikoan bistaratzeko bidea irekiko du.

Bigarrena, bisita eskola-orduetatik kanpo egitea, hau da, ikaslerik gabe. Instalazioak ezagutu eta, distrakziorik gabe, proiektuaz, funtzionamenduaz eta zerbitzuez solasteko aukera eskaintzen du.

Bi kasuetan, familiaren interesekoak diren gai guztiak landuko ditugu, behar beste denboraz. Erabaki garrantzitsuen aurrean, kalitatezko denbora eta arreta eskaintzen ditugu.

Eman pausoa eta eskatu hitzordua ondorengo galdetegiaren bidez. Eskaera jaso bezain pronto jarriko gara zurekin harremanetan telefono bidez.

Aldiz, telefono bidez argitu genezaken zalantzaren bat baduzu, deitu idazkaritzara: 943769071.