Banatu ditugu 'Ikastolak herriari' jaialdirako sarrerak!

Olmar Elejaga, Dorleta Mendibil, Amaia Moreno, Raquel Vicente eta Nerea Gallastegi izan dira zortedunak.

Larunbatean, azaroaren 27an, Ikastolak Herriari jaialdia ospatuko dugu Bilboko Euskalduna Jauregian. Euskararen eta Euskal Kulturaren bost plaza handi dira ikastolen jaiak: Kilometroak, Ibilaldia, Araba Euskaraz, Nafarroa Oinez eta Herri Urrats. Euskal musikari, kantari, dantzari eta ikuskizunetako hamaika artistaren adierazpenaren erakusleiho erraldoiak izan ohi dira, baina pandemia dela-eta, ezin izan ditugu nahi bezala ospatu. Hori dela eta, iaz Donostiako Kursaal aretoa bezala, aurten Bilboko Euskalduna Jauregia beteko dugu.

Ikastola bakoitzak sarrera kopuru bat erosi du; Aranzadik 10 eskuratu ditu, eta familia eta langileen artean zozketatu ditu. Bost lagun hauek izan dira zortedunak: Olmar Elejaga, Dorleta Mendibil, Amaia Moreno, Raquel Vicente eta Nerea Gallastegi. Ederki pasa dezazuela!

Jaialdira joan nahi izanez gero, oraindik aukera dago sarrerak erosteko www.euskalduna.eus web-orrian.