Euskal Herri osoko euskaltzaleen eskaerei esker, iaz baino 18.000 euro gehiago bideratuko da Nafarroako erdi eta hegoaldeko euskalgintza indartzera. Guztira 16.400 saski banatuko dira.

Langile guztien lan-baldintzen homologazioa eta soldaten parekatzea daude jokoan, eta ikasleen ongizatea lehen lerroan: ratioak txikitzea, baliabide gehigarriak...

Euskarak bizi eta arnasa har dezan, komunitateak elkarrekin egitea ezinbestekoa da. Udazken honetan, beste behin, bi ekimen eder jarri dira martxan: Nafarroa euskalduntzeko Errigora kanpaina eta Zuberoako Ikastolen aldeko Ikaskoli saski-salmenta.

Euskalgintzako hamarnaka eragilek eta euskaltzalek agerraldia egin dugu Euskalgintzaren Kontseiluak deituta, eta adierazpen bat aurkeztu dugu. Euskaltzaleei dei egin diegu abenduaren 27an Bilbon batzera: «Euskaltzaleon garaia da!».

DBHko 1. mailako ikasleek erronka bota digute Gau Beltzaren bueltan: zenbat pisatzen du kalabazak? Lortutako dirua ikas-bidaia finantzatzeko erabiliko dute.

Globalizazioaren eta kultura amerikarraren hedapenaren ondorioz, azken urteetan Euskal Herrian Halloween ospakizuna nagusitu da. Dakartzan mehatxuak kontuan hartuta, aurre egin eta euskal kultura eta tradizioa sustatzeko apustua egin dugu.

Palestinako gatazkaren inguruko kontzientziazio-lanketa egiten ari gara, egoeraz hausnartzeko eta ikasleen artean elkartasuna sustatzeko. Gatazkak eragindako sufrimenduaren aurrean, Palestinako herritarrei gure babesa adierazi nahi diegu. Horretarako, ikasleek hausnarketa-saioak eta sormen-ekintzak egin dituzte, bakearen eta justiziaren aldeko mezua zabaltzeko.

Eguraldi-iragarpen ezegonkorrari aurre eginez, milaka euskaltzale batu da Elgoibarren, Gipuzkoako Ikastolen festan. Tartean, Erronkan parte hartu duten DBH 4ko ikasleak.

Ideia nahiko zoroa zirudien duela urtebete Ikastolako guraso batzuek proposatutakoak, baina lehenengo edizio honetan herrian piztu dugun giroak eta 370 parte-hartzaileen motibazioak erakutsi dute ekimen ederra sortu dugula.

Aranzadi Ikastolaren hezkuntza-proiektuaren ardatz nagusietako bat da elkartasuna. Hori dela-eta, Israel Palestinaren aurka gauzatzen ari den genozidioaren inguruko pedagogia-lanketa egin dugu aste honetan etapa guztietan, adin bakoitzera egokitutako ikuspegia landuz.

Aranzadi Ikastolak, herriko beste ikastetxe, kirol-elkarte eta Bergarako Udalarekin batera, Eskola Kirolaren Herri Ituna sinatu du, udalerriko haur eta nerabeen garapen integrala eta osasuntsua sustatzeko helburu argiarekin.

Euskal Herrian bizi ditugun hizkuntza-errealitateak eta lurraldeak ezagutzeko asmoz, DBHko 1. mailako ikasleek harremana eraiki dute Arabar Errioxako gazteekin. Aurrez gutun bidez elkar ezagutu eta gero, besoak zabalik jaso dituzte Assa Ikastolan, elkarrekin bi egun eder pasatzeko.