Azterketak amaitu ostean, erlaxatzeko parada izan dugu Batxilergoko ikasleok

Albaola Itsas Kultur Faktoria, Eureka! Zientzia Museoa, Tabakalera Kultura Garaikidearen Nazioarteko Zentroa eta La Perla talasoterapia bisitatu ditugu.

Batxilergoko ikasleok amaitu dugu 1. ebaluazioko ohiko azterketen sasoia, eta Ikastolan ohitura den legez, Donostia aldera joan gara egun-pasa. Goizean goiz Albaola Itsas Kultur Faktoria bisitatu dugu guzti-guztiok. Jarraian, 1. mailako ikasleak Tabakalerara joan gara tailer batean parte hartzera, eta 2. mailakoak Eureka! Zientzia Museoa bisitatu dugu. Eguna amaitzeko, La Perla talasoterapian izan gara zaharrenok, eta erlaxatzeko aukera ederra izan dugu!