Familia askok ezinbestekoa dute garraio-zerbitzua seme-alabek Ikastolara joan-etorriak egin ditzaten. Hala, Ikastolak bi bide eskaintzen ditu familiaren bizilekuaren arabera. Alde batetik, landa-guneko auzoetan bizi diren bergararrek dohaineko Udal autobus-zerbitzua baliatzeko aukera dute. Bestetik, erdi-gunetik urrutien dauden auzoetatik mugitzeko, oinezbusa daukagu.

OINEZBUSA

Izenak adierazten duen bezala, oinezko zerbitzua da, eta 3-4 urtetik 9-10 urte bitarteko umeek erabiltzen dute auzoetatik Ikastolara joan-etorriak egiteko. Uneotan Ernai, Bolu eta Labegaraieta auzoetako ibilbideak ditugu aktibo, eta berriak sor litezke beharren arabera. Haurrak ratio mugatuko taldeetan elkartzen dira, eta hezitzaile bat izaten dute bidelagun.

Beharra duen edozein ikaslek erabil dezake zerbitzua, eta ekaina aldean eman behar da izena hurrengo ikasturterako. Kontuan izan behar da ibilbidea hasten den puntuan ez ezik, bidean ere geralekuak egiten dituela, haur gehiago batzeko.

INFORMAZIO PRAKTIKOA

Goizean

• 8:20 | Ernaitik.
• 8:30 | Bolutik.
• 8:20 | Labegaraietatik.

Eguerdian

• 12:30 | Ibilbide guztiak

Bazkalostean

• 14:20 | Ernaitik.
• 14:30 | Bolutik.
• 14:20 | Labegaraietatik.