Naziogintza ikuspegitik antolatutako egitasmoa da, eta aurtengoan gazte-topaketa formatuan ospatu da. Elkartruke aberasgarria izan da, euskararen eta aisialdiaren inguruan eraikia.

'Musikariak ikastetxean' programaren baitan, DBHko 4. mailako ikasleek musikari arrasatearraren ibilbidea ezagutzeko aukera izan dute. Solasaldi musikatua izan da, eta euskal musikan emakume feminista batek (izan) dituen erronkak bistaratu ditu.

Liburu Ibiltaria deritzon egitasmoa ikastolen jaiek era bateratuan garatzen duten jarduera-programaren parte da. Ikasturte honetakoa bosgarren edizioa izango dugu; azaroan abiatu zen Labarkako (Araba) Assa Ikastolan, eta Euskal Herriaren luze-zabaleko 29 ikastolak hartu dugu parte.

Ikastolako ikasleek protagonismo handia izan dute Bergarako Gaztetxef sukaldaritza-lehiaketan. Esperientzia ederra izan da, eta sariak etxera ekartzea ere lortu dute. Ekimenak talde-lana, sormena eta sukaldaritzarekiko grina sustatzen ditu helburu.

Orain arte Ikastolak seme-alabak Aranzadin matrikulatzeko aukera eman dio herriko familia orori, ekonomia-ekarpena ez da traba izan. Halere, hurrengo ikasturtetik aurrera modu antolatuan egingo du, ekonomia-autokudeaketan oinarrituta.

Ikastolen Elkarteak euskarazko diktaketa-sistema berria aurkeztu du Sortzen Elkartearekin batera, hainbat ikasleren idazketa-prozesua errazteko eta inklusibitatea sustatzeko. Aranzadi Ikastolako hainbat ikaslek ere parte hartu dute proiektuan.

Bedoñako (Arrasate) Errastiko okindegi eta eskolarekin dugun harremanaren baitan, bertako kide Naiara izan da gurean, HH 3ko haurrekin ogia egiteko prozesua praktikan jartzen. Txikiak poz-pozik joan dira etxera beraiek egindako ogi-opilarekin.

2024ko urrian Donamartiriko Ikastola erre egin zen sute baten ondorioz. Eraikin berria egin ahal izateko, bertako gurasoek elkartasun-kanpaina abiatu dute, eta Aranzadiko kideok bat egin dugu Baxe Nafarroko euskaltzaleekin.

Miguel Altuna Lanbide Heziketako zentruaren eskutik, inguruko enpresen lana bertatik bertara ezagutzeko aukera izan dute. Orientazio-programaren baitako ekintza izan da, oso baliagarria etorkizuneko lanbideak irudikatzeko.

Maiatzaren 15etik 25era egingo da aurten Euskaraldia, eta sustatzaileek nahi dute haurrak eta nerabeak "xaxatzaile" izatea. Euskaraldiko lan-taldeak eta Ikastolen Elkarteak proposamen didaktikoak prestatu dituzte elkarlanean, ikastetxe guztiei eskaintzeko.

Euskal Herriko hainbat txokotan egin dugu protesta Hezkuntza Sailaren portaera salatu, ikastetxe guztiontzako joko-arau berberak exijitu eta zarauztarrei babesa helarazteko.

Neguko solstizioa ospatzeko, Josu Bergara musikariaren kantua bertsionatu dugu, Eguberrien bueltan senide, herritar eta lagunei besoak zabaltzeko asmoz. Musika, euskara eta komunitatea batzeko ekimena izan da.