Azken egunetan eman den kokaleku aldaketa lorezainen grebaren ondorioz egin da, baina jaiaren egitaraua eta espiritua bere horretan mantenduko dira: euskaraz bizi, hezi eta hazi nahi dugun guztion topagunea izango da.
Zer topatuko dugu bertan?
Egunean zehar jarduera ugari izango dira hiru guneetan banatuta: musika emanaldiak eta kontzertuak, tailerrak eta haurrentzako jolasguneak, antzerki, bertso eta arte ekitaldiak, herri bazkariak eta elikadura guneak, ibilaldiak eta jarduera osasungarriak... Hemen egitaraua eta bideoklipa.
Araba Euskarazen webgunean aurki dezakezue informazio gehiago: 👉 arabaeuskaraz.eus
Familia, ikasle, irakasle eta langile guztiak animatu nahi zaituztegu elkarrekin egun paregabea bizitzera. Euskararen aldeko jai honetan parte hartzeak, gure hizkuntzarekiko konpromisoa indartzeaz gain, ikastolen arteko elkartasuna eta komunitatearen indarra ere erakusten du.
