Euskal Herriaren admnistrazio-muga gainditu eta maskaradak ikustera joan gara batxilergoko 2. mailako 30 ikasle eta hainbat irakasle. Asteburua pasa dugu Zuberoako hiriburuan, euskal kulturan sakondu eta bertako herritarrekin harremanak estutzen.

Ikastolen erreferentzia esparrua Euskal Herria denez, garrantzitsua da ikasleek mugaz bestaldeko errealitatea eta euskalkiak ezagutzea. Helburu horrekin, azken ikasturteetan DBH eta batxilergoko irakasle-taldea irteera hau antolatzeko lanetan aritu da, eta aurten egikaritu da. 

Sohütako Gaztelaia eskola lo-lekutzat hartuta, eskerrak eman nahi dizkiegu lagundu gaituzten zuberotar guztiei, harrera bikaina egin baitigute Sohüta eta Mauleko agintari eta herritarrek. Aurten Zalgize, Mendikota, Ozaze eta Iruriko gazteei egokitu zaie maskaradak jokatzea, eta plazera izan da beraiek ere ezagutzea.

Itzuliko gara, ziur!