Erronkaren helburu nagusiak honakoak izan dira: denon artean proiektu bat aurrera eramatea, gorputz adierazpena lantzea eta, batez ere, ondo pasatzea! Lan horren emaitza bideo batean bildu dute, eta finalistak gelditu ostean, zuen laguntzari esker, irabazleak izan gara!

Lehiaketaren funtzionamendua oso erraza izan da: epaimahai batek jasotako bideo guztien artean 10 onenak aukeratu ditu eta Makusi plataforman zintzilikatu ditu. Ostean, bozketa fasea ireki eta publikoak gustukoen duen bideoa aukeratu du, gurea izanik bozka gehien lortu duen bideoa.

Gure ikasleek egindako lan zoragarria ikusgai duzue! Eskerrik asko parte hartu duten ikasle eta irakasleei, eta eskerrak ere, bozketan lagundu gaituzuen guztioi. 

Era berean, Makusi plataforma ere eskertu nahi dugu, antolatutako ekimen dibertigarri honengatik! Irrikitan gaude zuek gurean ikusteko!