Atzo, Aranzadi Ikastolako langileok egun osoko lanuztea egin genuen Palestinaren alde, elkartasuna eta bakearen aldeko mezua zabalduz. Gaur, berriz, egun osoan zehar, ikasleok hainbat ekintza eta lanketa partekatu ditugu, gatazkaren inguruan hausnartu eta elkartasun mezua plazaratzeko..
Gaur goizean, DBHko ikasleok, eskuz margotutako kartelekin argazkia egin dugu, bestalde, txikienok koloretako tenperetan eskuak sartuta, Palestinaren bandera margotuz, elkartasun irudi kolektiboa sortu dugu.
Horrez gain, aurreko asteetan Palestinako eta Israelgo gatazkaren inguruko lanketa egin dugu geletan, testuingurua hobeto ulertu eta hausnarketa bultzatzeko.
Lanketaren inguruko informazio gehiago
DBHko ikasleek egindako txapak salgai jarri dira idazkaritzan, euro batean. Orain arte bildutako diru guztia Gernika Palestinarekin plataformara bideratu da, elkartasuna erakusteko modu gisa.
Gure haurrak ere badira plataformari atxikimendua
Aranzadi Ikastolak Gure Haurrak Ere Badira plataformak egin duen manifestuarekin bat egin du. Euskal Herriko eskola, Ikastola eta ikastetxe ugarik bezala, gure komunitateak ere bat egiten du bakearen, justiziaren eta haurren eskubideen aldeko aldarriarekin.
Deialdia: urriaren 25ean, Bilbon, 17:30ean
Familia, ikasle eta langile guztiak Bilbora etortzera animatzen zaituztegu, Palestinako herriaren aldeko mobilizazio nagusira. Manifestazioaz gain, egun osoan zehar hainbat ekintza antolatu dira:
- 12:00etan — Zirika Gunea (Erronda kalea, Alde Zaharra): Palestinaren historiaren inguruko hitzaldia. Borondate bidezko ekarpenak jasoko dira Palestinara bidaltzeko.
- 12:00etan — Askatasun Doinua ipuin-kontaketa (Bilboko Alde Zaharrean, lekua zehazteko). Ondoren, liburuen salmenta egingo da eta bildutakoa ere Palestinara bideratuko da.
- Prentsaurrekoa eta kamiseten aurkezpena: Manifestazio amaieran erosteko aukera egongo da: 15 euro helduena, 12 euro umeena. Bildutako diru guztia Palestinara bideratuko da. Kamisetak online eta sindikatuen egoitzetan ere eskuragarri daude.
- Manifestazio amaieran: Pailazoak, musika eta ikuskizunak Bilboko udaletxe inguruan.
